Ծիրանը եփում ենք 5 րոպե…Ծիրանի հյութ պատրաստելու այս եղանակը շատ քչերը գիտեն…

Բնական ծիրանի հյութ. Սա պարզապես հեքիաթ է, ոչ թե բաղադրատոմս: Ստացվում է այնպիսի պայծառ, հարուստ համ, անհավատալի բույր, որ դուք չեք հագենա խմելիս:

Այս հյութը ոչ միայն համեղ է, այլև շատ առողջարար: Այն շատ դուր կգա հատկապես երեխաներին առաջին իսկ կումից:

Հարուստ և պայծառ համը ձեզ կուրախացնի նույնիսկ ամենամռայլ և ցուրտ օրը: Ամառվա մի կտոր կհայտնվի ձեր բաժակում, երբ բացեք բանկան ու սկսեք վայելել բնական ծիրանի հյութը:

Բնական ծիրանի հյութ.

Մեզ պետք կլինի
Ծիրան 12-13 կգ
Ջուր 1,5-2 լ
Շաքարավազ 250 գ (յուրաքանչյուր 3 լիտր բանկայի համար)

Բնական ծիրանի հյութ. Քայլ առ քայլ բաղադրատոմս

Պետք է լավ լվանալ ծիրանները, դրանք բաժանել մեջտեղից, հեռացնել կտերը:
Ծիրանի պտղամիսը անցկացնել մսաղացով կամ բլենդերով, լավ մանրացնելով: Պատրաստի զանգվածը լցնել մեծ ամանի մեջ, ավելացնել ջուրը, լավ խառնել:

Այնուհետև այս զանգվածն անցկացնել մի քանի շերտով ծալված թանզիֆի միջով: Լավ տրորել, սեղմել, մինչև ամբողջությամբ քամվի, եթե հյութը շատ խիտ է, կարող եք մի քիչ ջուր ավելացնել:

Այնուհետև, հյութը դնել վառարանի վրա, եփել միջին կրակի վրա 20-25 րոպե: Դրանից հետո, շաքարավազը լցնել նախապես ստերիլիզացված բանկաների մեջ և լցնել դեռ տաք հյութը, մինչև բանկայի պռունկը:

Բանկաները ամուր փակել կափարիչներով, գլխիվայր շրջել դրանք, փաթաթել բանկաները տաք շորով, թողնել մինչև ամբողջովին սառչեն: