ՖՈՏՈ․ «Մահվանից երկու ամիս առաջ գրեցի՝ «Ո՞ւր ես, ապեր ջան, կորել ես…». Ալլա Լեւոնյան

«Երբ Հայկոյի մասին եմ խոսում, անկախ իմ կամքից՝ սկսում եմ ժպտալ, իսկ ականջներումս նրա յուրահատուկ ծիծաղն է»,-BRAVO.am-ի հետ զրույցն այսպես սկսեց երգչուհի Ալլա Լեւոնյանը։
Ամբողջ հարցազրույցն էլ անցավ հենց այդ հույզերով՝ լաց ու ծիծաղ միախառնված։

Ճակատագրական ու այցեքարտ դարձած երգեր

 

Հեռավոր 90-ական թվականներն էին, նոր ընդունվել էի Երգի պետական թատրոն։ Հենց թատրոնում էլ ծանոթացել ենք։ 4 երգերս, որոնք դարձան իմ այցեքարտը՝ «Հայաստան», «Երեւան», «Սպարապետ», «Մոկաց հարսներ», գործիքավորել է Հայկոն։ Երգի հաջողության կեսը կախված է գործիքավորումից։ Դու կարող ես հրաշալի երգ գրել, բայց եթե գործիքավորողն այն ճիշտ չներկայացնի, երգը կարող է տապալվել։ Հայկոն ինձ շատ լավ էր ճանաչում, կարողացել էր զգալ իմ ստեղծագործական ներաշխարհը, անկեղծությունը, բնավորությունն ու գույն էր տվել երգերիս՝ պահպանելով իմ տեսակն ու ձեռագիրը։

«Մոկաց հարսներ» երգի մասին եմ ուզում պատմել. մեր վարպետները միշտ ասում են, որ ժողովրդական երգերը չփոխենք, երիտասարդներն էլ այդպես չեն ցանկանում լսել։ Մտածում էինք՝ ինչպես անենք, որ չխախտենք օրենքը, բայց նաեւ առաջադեմ ներկայացնենք։ Ասացի՝ «Հայկո, վախենում եմ, որ նոր գործիքավորմամբ հանկարծ երգը չտուժի»։ Պատասխանեց՝ «Լյոշս, դու երգիր այնպես, ինչպես ուզում ես, մնացածը ես գիտեմ՝ ինչ կանեմ»։ Ու «Մոկաց հարսներ» երգը Հայկոյի շնորհիվ նոր շունչ ստացավ։

Առավել մանրամասն այստեղ